استماع

مـــــاآت الكلام.

مـــــاآت الكلام

  • شاركها

التعليقات

  • pikabob photo avatar
    Eslam M. - 2014/11/24 09:21:09

    تسلمى

  • pikabob photo avatar
    rich1333 - 2014/08/14 03:54:32

    اختارو صح ميعجبش البنت الولد الصايع الى سكته باينة من الاول عشان كسر القلب مش بساهل

  • pikabob photo avatar
    Basma Ayyad - 2014/03/03 13:34:57

    oufffff rahebaaa !!

  • pikabob photo avatar
    Amany Warda - 2014/01/30 00:47:26

    تحفه <3

  • pikabob photo avatar
    Muhamed Hamdi - 2013/12/21 02:39:22

    مش لاقي كلمة توصفك .. حقيقي مات الكلام

  • pikabob photo avatar
    Esraa Mahmoud 19 - 2013/11/27 10:25:50

    دى احلى حاجه نزلتيها بصراحه

  • pikabob photo avatar
    Fǿøkk Męŋy Ķǿgý - 2013/11/24 18:08:51

    GmDaaaaaaaaaa

  • pikabob photo avatar
    Gãmēįłã ĨĩĨĩ - 2013/11/15 13:17:10

    يااااااااااااااااااااااااااااااالهوي عليكي جاااااااااااااااااامده اوي بجد

  • pikabob photo avatar
    Rana Adham - 2013/11/09 03:55:10

    حلوه اوي يا روني .. مؤثره جدا :(

  • pikabob photo avatar
    Muhammed Elmasry90 - 2013/11/09 03:05:25

    يخربيتك !


رمز الاستجابة السريعة

وصف

كلمات واداء: رنا عاطف موسيقى: تركيه ------------- " مات الكلام " . . . حلفتلي ما يوم هتغيب عني تاني وعنيك كانت بردو مخوفاني ويوميها دموعي ملت عيوني حاولت اقفل عليها جفوني ومتشوفهاش مديت اديك مسحتها وقولتلي ان انتا مش قدها وان انتا قادر تعمل اي حاجه بس تاني متلمحهاش عملت مصدقاك وسبت الحياه بينا تتعاش كل يوم استنى منك كلمة بحبك او هكمل عمري جنبك ولا اسمعهاش فـ اضطر اقولها انا الاول لجل ما ترد عليا بكسر الـ " ب " وافرح لما اسمعها منك وامد الـ " هـ " بضحكه كدابه وانا اللي اصلا متعابه اني احب حد منيش مصدقاه واتمنى بس انول رضاه وتفوت ايام وابدأ اصدقك منا من تصرفاتك ويايا بعرفك تغيب ايام عليا كتير واقول نسيني والقاك فجأه جاي من تاني تقول وحشتيني فـ اخاف منك ومعرفش اصدقك ولا عني ابعدك ! واتوه منك ايام كتير ولا تاخدش بالك اكون سامعاك بتتكلم لكن عارفاني مش ساكنه فـ خيالك فـ افضل ساكته انا واسرح وادورلي على مطرح ارمي فيه دموعي من غير ما تسمعها فـ تقول كلام كتير حلو لكنه يكترها وفجأه اسمع صوت نَفَسك بانك نمت ! وساعتها احس اني اتجننت واملى الدنيا بالسكات وجوايا مدبوحه بالآهات . . وتفوت ايام واعمل نفسي قال يعني مقموصه اكمني مستنياك تصالحني ومجرد ما القى فـ عنيك نظرة اهتمام بسى كل الكلام وقلبي يركب جناحات ويطير كما الحمام وتقوللي " حبيبتي " وتوصلها بـ " متزعليش مني " فـ انسى كل الزعل فجأه واكون فـ حبك مبتدأه بتهجى حروف الحب من جديد واحس اني حره بعد ما كنت فـ حبك م العبيد واطلب منك متسبنيش وانسى ان الحب مبيتشريش! وترد عليا بـ " من غيرك مش ممكن اعيش " وفجأه بتلفت ملقاكش حواليا فين غبت وانتا لسه كنت واقف قصاد عنيا واحس كأني كنت بحلم حلم جميل وقلبي بعد ما طار حس بقهره وهدة حيل حاولت ارجعك ليا لقيتك بتقوللي سلام معدش بينا اي كلام كفاياكي تعيشي فـ الاوهام انا مش ليكي اتوجعت لكني سكتّ . . عادي يعني ما الوجع عليه اتعودت وقولت مهما كان مش هبانلك تاني ضعيفه واقنع نفسي ان الحياه كانت اصلا وياك سخيفه تعبت كتير انا وقلبي من بعدك لكنه قرر خلاص يخاصمك خصام ابدي ويكون لاول مره فـ صفي مش ضدي وبعد ما اخيرا داويت جروحي ولملمتها رجعت تاني تقول فين البنوته اللي بحبها فاكرني مت من بعدك !! او قلبي لسه باقي على حبك !! لا ابدا دا بُعدك انا اتعلمت انجرحت واتألمت وبنار حبك انكويت انا وقلبي للاسف " سكورك " فـ لعبة حبنا طلع سلبي !! ماهو اللي يحب واحد زيك لازم يتعلم يعرف يلعب بالحروف لما وياك تاني يتكلم اظن كفايه عليك كلامي ونظراتي وهكمل وياك القعده بسكاتي او اقولك!! انا قايمه معدتش فـ هواك هايمه فـ عن اذنك ارجع من مكان ما جيت وخليك زي مانتا محسس نفسك ان برجوعك كدا ضحيت ويلا سلام ! مات الكلام لـــ " رنا عاطف " official page on facebook; https://www.facebook.com/renaOatef

اعلانات



All right reserved - Copyright © 2014 - Developed by Baakaat.com - باقات الويب - شروط الاستخدام - الخصوصية - اتفاقية الاستخدام - اتصل بنا