استماع

Ebtsam | ابتسام | Kaboos Nation.

Ebtsam | ابتسام | Kaboos Nation

  • شاركها

التعليقات

لا توجد نتائج

رمز الاستجابة السريعة

وصف

music & lyrics & vocals : farghly blax mix & master : meda kaboos cover ; menna ayman lyrics ; كان يا مكان في يوم من الايام كان في بنت حلوه صغيوره اسمها ابتسام ،ابتسام كانت شطوره و بتسمع الكلام كل يوم بتغسل سنانها قبل ما تنام .. كانت بليل بتحب تسمع الحواديت من تيتا الطيبه اللي قاعده معاها في البيت ،بعد ما بابا و ماما راحوا عند ربنا بعيد .. مع انه فات كتير بس هي لسه زعلانه اخر مره قالوا مش هتخرجي معانا المره الجايه هنوديكي الملاهي و نفسحك .. بس من ساعتها مرجعوش تاني البيت. اوقات بيوحشوها و تعيط زي البنات الوحشين و اوقات بتنسى انهم كانوا موجودين بس هي نفسها تعرف هما ليه طولوا كده و الجنه بتاعه ربنا دي موجوده فين .. لو تعرف هما راحوا ليه ولا راحوا فين لو تعرف ان تيتا فاضلها كمان يومين و تروح معاهم و تسيبها جوه البيت لوحدها ليه كلهم مشيوا و سابوا ابتسام و لما مشيوا مقالوش حتى سلام هي معملتش حاجه عشان يسيبوها لوحدها ............................................ تيتا حلوه بس مبتعملش مكرونه زي ماما بتبوسني في خدي و تحضني لما بكتب على السبوره و بتفرجني على كارتون بس اخويا الكبير مش بيرضى بالذات لما بيبقى فيه ماتش كوره .. 'بزعل' منه بس هو بيصالحني كتير 'و لما' بيروح الجامعه بيجبلي معاه شيبسي و عصير 'حتى' لما ببقى خايفه و يجيلي كوابيس وحشه' هو 'بيخليني انام جمبه عالسرير .. بس هو كمان وحش بقاله كتير مشي و مرجعش ،اخر مره قالي انه رايح يتفرج عالماتش ،ماتش ايه ده ! ماتش ايه ده !! قولي انهي ماتش ايه ده اللي الناس بتروحه و متروحش .. لما سألت تيتا قالتلي ده راح مع بابا و ماما يا بسبس ،قلتلها ماشي و سكتت خالص كأن مفيش حاجه عادي مع اني شفته على التلفزيون ،لما عمو الظابط كان بيلعب معاه بالمسدس لو تعرف هما راحوا ليه ولا راحوا فين لو تعرف ان تيتا فاضلها كمان يومين و تروح معاهم و تسيبها جوه البيت لوحدها ليه كلهم مشيوا و سابوا ابتسام و لما مشيوا مقالوش حتى سلام هي معملتش حاجه عشان يسيبوها لوحدها ............................................ هما قالولي بكره هتفهمي بس انا فهمت قبل ما اكبر و هعقابهم و مش هغسل ولا مره سناني تيتا ضحكت عليا و قالتلي انهم راجعين بس انا عرفت ان اللي بيروح مش بيرجع تاني تيتا كمان عند ربنا من امبارح عنيها مغمضين مش بترد عليا و مش عايزه تقلع الاسدال بس مش عارفه ليه مجابوش صورتها عالتلفزيون و كتبوا الكلمه اللي اولها شين و اخرها دال 'ماما' وحشتني عايزاها تيجي و تعملي مكرونه' و تيتا' كمان واحشاني مش هعرف انام من غير حدوته' و لو 'اخويا رجع هخليه يتفرج عالكوره' و ياريت' بابا يجي وحشتني كلمه يا صغنتوته هما ليه سابوني لوحدي انا معملتلهمش حاجه و بقالي ايام كتير مش بلاقي اكل فالتلاجه خلاص انا هنام دلوقتي و اصحي كمان شويتين و اروح لعمو الظابط اسأله انت وديت عيلتي فين لو تعرف هما راحوا ليه ولا راحوا فين لو تعرف ان تيتا فاضلها كمان يومين و تروح معاهم و تسيبها جوه البيت لوحدها ليه كلهم مشيوا و سابوا ابتسام و لما مشيوا مقالوش حتى سلام هي معملتش حاجه عشان يسيبوها لوحدها

اعلانات



All right reserved - Copyright © 2014 - Developed by Baakaat.com - باقات الويب - شروط الاستخدام - الخصوصية - اتفاقية الاستخدام - اتصل بنا